Jæja, nú eru góð ráð dýr, ég veit ekkert hvað ég á að skrifa um. Ég sit hérna og er að hlusta á master of puppets í góðum gír. Gerðist svo djarfur í dag að fjárfesta í 2 DVD myndum. Þær voru nú báðar nokkurskonar skyldukaup.
Ég að sjálfsögðu varð að kaupa Casino Royale þar sem að ég á allar hinar James Bond myndirnar og er þar af leiðandi DÆMDUR til að kaupa hverja eina og einustu James Bond mynd sem kemur út á meðan ég lifi. Svo keypti ég Borat myndina, hún er nú líka skyldueign kviss bamm búmm.
Náttbuxur Posted on March 23rd, 2007 at 7:09 pm by tommi
Um síðustu jól fékk ég forláta náttbuxur frá Ellen og Jónasi. Síðan þá hef ég varla farið úr þeim… nema svona rétt þegar mauðr skreppur í vinnuna.
Þetta er ekkert smá þægilegt system.
Í vikunni komumst við BigGoj loksins í bíó. Skelltum okkur á 300 og ekki varð ég fyrir vonbrigðum. Þvílíkt svöl mynd, maður verður bara að horfa á hana með því hugarfari að þetta er gert eftir teiknimyndasögu en ekki mannkynssögu.
Reyndar var maður ógeðslega fyndinn í bíóinu…
Tommi: Ég ætla að fá einn miða á þrjúhundruð.
Afgreiðslustelpa: Það eru níuhundruð…
Tommi: Ha?? Er hann ekki á þrjúhundruð???
Um leið og ég sleppti orðinu þá áttaði ég mig á því að hún var líklega að heyra þetta í þrjúþúsundasta skiptið en ég gat ekki að þessu gert. Þetta kom bara ósjálfrátt, eins og líklega hjá flestum sem kaupa miða á þessa mynd. BigGoj kom strax á eftir og var næstum því búinn að sleppa þessum óborganlega brandara út fyrir sínar varir en sem betur fer sleppti hann því. Okkur hefði líklega verið hent út ef hann hefði sagt þetta líka… hehehe.
Ég var nokkuð duglegur í vikunni. Á sunnudaginn kepptum við í Vatnsberunum leik, á mánudaginn fór ég í spinning í hádeginu og svo á fótboltaæfingu um kvöldið. Á þriðjudaginn var pása. Á miðvikudaginn fór ég í spinning í hádeginu og svo útihlaup og bolta um kvöldið. Á morgun er svo fótboltaleikur og svo annar leikur á sunnudaginn. Spinning og æfing á mánudaginn osfr. Heví prógramm á kallinum enda stefnan á að geta amk spilað 20 mínútur á Grundarfjarðarvelli þann 11 maí næstkomandi. Þá mætast Grundarfjörður og Höfrungur frá Þingeyri í Visabikar KSÍ. Grundarfjarðarliðið verður að öllu leyti skipað leikmönnum Vatnsbera og þetta verður væntanlega hörku leikur.
En best að fara að sinna litla grísnum mínum en við erum bara 2 einir heima núna enda Rúna á kvöldvakt þessa dagana.
Er maður alveg hættur að nenna að skrifa inná þessa blessuðu síðu? Tjah, maður spyr sig.
Það var mjög lítið sofið um þessa helgi sökum handrukkara en það er önnur saga.
Við Rúna kíktum í afmæli til Steinku á laugardaginn. Gunna kom með okkur og var hin hressasta. Þetta var bara fínt. Reyndar hefði ég vilja stoppa aðeins lengur en það var frekar óráðlegt þar sem að Rúna átti að mæta í vinnu kl 8 og ég að vakna með litla apakettinum honum Krstjáni Frey.
Man Jú heldur sínu striki og heldur Chelski 6 stigum frá sér. Það er eins gott að ekkert klikki því annars verð ég brjálaður, og það viljum við ekki. En það eru ennþá 8 umferðir eftir og leikur við Chelsea á brúnni. Það getur allt gerst. Þetta verður rosalegt.
Keppti í fótbolta í gær. Unnum 7-0… vei. Svo vorum við Jón Frímann með 11 rétta í tippinu og erum á fljúgandi siglingu í tippleiknum góða hjá Gumma á Grundarfirði.
Eftir leikinn kom ég heim og lét Beggu Jobba steikja kótilettur. Enda geðveikt svangur eftir þennan leik, þó að ég hafi nú oft hlaupið meira en þarna. Þegar maður var búinn að éta kom BigGoj því við höfðum hug á að kíkja í bíó að sjá 300… but noooooooo ekki varð okkur kápan úr því klæðinu. Keyrðum niður í Mjódd, fengum stæði hjá Smáralind og löbbuðum í mjóddina, komum svo í miðasöluna aðeins til að komast að því að það var bara einn miði eftir… EINN. Hver fer einn í bíó??? Þannig að við slógum þessari bíóferð á frest þangað til síðar í vikunni.
Svo í dag var maður bara öflugur og kíkti í spinning í hádeginu… úff. Svo er það fótboltaæfing í kvöld… Harkan sex.
Helgin Posted on March 12th, 2007 at 6:54 pm by tommi
Þetta var athyglisverð helgi í alla staði…
Á föstudaginn buðu Ellen og Jónas okkur í mat og við skelltum okkur til þeirra. Þar var Ellen búin að elda dýrindis kjúlla með einhverjum grasstöngli inní… mjög gott sko. Beikonvafið og fínt. Jónas bauð uppá bjór og þetta var helvíti fínt. Svo kom Soffi og hitti okkur og við skelltum okkur á tónleika með hinni mögnuðu sveit, Hvanndalsbræðrum.. Þetta voru alveg edilons fínir tónleikar enda miklir snillingar þarna á ferð. Eftir tónleikana skelltum við okkur á Celtic Cross í vafasaman fíling og svo hentum við okkur heim.
Á laugardeginum var maður í svona þynku fýling. Soffi kom til mín til að skutla mér að sækja bílinn… Þessi ferð ílengdist aðeins og endaði með að undirritaður fór og keypti sér forláta gítar til að glamra á. Það hafði blundað í mér í þónokkurn tíma að fjárfesta í svona apparati og eftir að hafa séð Rögnvald gáfaða hamra á gítarinn sinn kvöldið áður þá stóðst ég ekki mátið og skellti mér á einn Washburn kassagítar í Tónabúðinni… Rúnu til mikillar gleði… NOT.
Á laugardagskvöldið þá var okkur boðið í útskriftarpartý hjá Sollu og Viktori. Ég nennti ómögulega að fara og var bara heima til að byrja með. Svo þegar að ég var búinn að horfa á fyrri hálfleikinn hjá Barca og Real þá var maður dottinn í gír. Soffi kom og sótti mig og við skelltum okkur á kaffihús með Hödda og Hrefnu. Cafe Deco við hliðina á (S)óðal. Fínasta pleis. Þar sötraði maður 2 kollur og fór svo á samkynhneigðan skemmtistað að hætti hússins. Semsagt í útskriftarveisluna sem var haldin á Qbar. Þetta var fínasta skrall alveg.
Á sunnudeginum var haldið á Tækni og Vit sýninguna þar sem að maður þurfti að skila 3 tíma vakt af sér. Eftir það var farið í panickasti heim og græjað sig í fyrsta æfingaleik Vatnsberana.. sem að því miður tapaðist 2-1, frekar ósanngjörn úrslit miðað við að við áttum seinni hálfleikinn. Vorum klaufar að vinna ekki, en það kemur bara næst.
Til að summa þessu upp þá fór helgin í fyllerí, gítarkaup og fótbolta.
Kristján Freyr kom svo aftur í dag til Reykjavíkur en sá hafði verið í Grundarfirði hjá ömmum sínum og öfum alla helgina.
Þetta er orðið nóg af röfli í bili. Ég hendi inn myndum fljótlega… kominn tími til.
Incubus… Posted on March 4th, 2007 at 10:38 pm by tommi
Fór á incubus í gær. Færir fjandar, þetta voru flottir tónleikar… komast í topp 5 hjá mér.
Eftir tónleikana þá átti Gústi bróðir þessa líka snilldar hugmynd um að skella okkur í bæinn. Ég hringdi í Dabba frænda og fékk lánaðar 2 kippur af öli og svo var byrjað að sötra. Þetta var fínt, skröltum smá í bænum og kallinn var kominn uppí rúm rétt fyrir 6.
Afleiðing af því er að dagurinn í dag er búinn að vera HANDÓNÝTUR. Átti stefnumót við postulínið og allt. ÓGEÐ.
Svo vil ég líka minna alla púllara á leikinn skemmtilega síðasta laugardag. 0-1 Úúúúúúúújjjeeeeeeee
Það er aðeins einn John Ó’Shit, það er aðeins eeeeeiiinnn john Ó’Shiiiiiiiitttt
Daramm Posted on March 1st, 2007 at 12:10 am by tommi
Nú er klukkan alveg að slá í miðnætti á mjög svo undarlegu kvöldi… Kom heim úr vinnunni kl rúmlega sex. Hitaði pylsur fyrir liðið, þeim var sporðrennt á skömmum tíma, skipti á þvílíku kúkableijunni því að Rúna gat það ekki. Horfði svo á Inter enda 17 leikja sigurgöngu sína á móti Udinese á Skjásport. Svo tók snilldin við…
Kristján var farinn uppí rúm þannig að við hjónaleysin sátum í sófanum og vorum eitthvað að spúglera í því hvað skildi gera. Ekkert skemmtilegt í sjónvarpinu og ég var einhvernveginn ekki í neinum fýling fyrir sjónvarpsgláp. Ég sting uppá því að við komum í keppni í XBOX tölvuleikjum. Ég bjóst engan veginn við að fá einhverjar undirtektir enda uppástungan meira svona óskhyggja af undirrituðum. En Rúna tók vel í þetta og þá var XBOXINN ræstur…
Pacman: Við tókum 2 manna í þessum klassíska leik þar sem að Rúna hafði betur eftir æsispennandi keppni. komst meira að segja í borð nr 2 og hlaut yfir 7000 stig á móti 5000 og eitthvað hjá undirrituðum.
SSX: sem er einhver skíða og snjóbrettaleikur. Við kunnum nú hvorugt á þetta dæmi þannig að þetta var nokkuð jafnt. Skiptumst á að vinna þangað til að ég fattaði hvernig átti að gera ofurtrix og sleppti því alveg að segja henni frá því. Ég var held ég búinn að rústa henni 4 sinnum áður en hún fattaði hvernig var í pottinn búið.
NHL 06: Hocky leikur frá EA Sports. við kunnum hvorugt á þetta en þetta var stuð. Sérstaklega þegar Rúnu brá alltaf jafn mikið þegar víbringurinn í joystickinu hóf að titra með tilheyrandi öskrum. En það þurfti ekki að spyrja að leikslokum að kallinn rústaði kellu í öllum 3 leikjunum sem við spiluðum. Í síðasta leiknum (sem fór 4-0 fyrir mér) var Rúna orðin svo pirruð að hún henti stýripinnanum í mig og fór í fýlu mér til mikillar ánægju. Svo skammaði hún mig fyrir að kenna sér ekki að skora (ég by the way kunni alveg jafn lítið á þennan leik eins og hún) Síðustu mínútur leiksins fóru í það að ég skautaði í hringi á meðan tíminn rann út. Mikil keppnismanneskja hún Rúna.
Ég hafði sérstaklega gaman að þessu þar sem að Rúna var að skemmta sér vel við það að spila tölvuleiki sem hún annars talar frekar illa um og hefur ekki mikið álit á þegar maður er að gaufa í þessu. HEHEHEHEHEHEHE
Mjög svo undarlegt kvöld í alla staði.
En Incubus á laugardaginn og bræður mínir á leið í bæinn. Ég þurfti að úthýsa Ninna og Dagmar vegna plássleysis. Hafði gleymt að taka það í reikninginn að við erum með gest fyrir hérna… Ég bauð þeim samt að deila herbergi með honum sem þau afþökkuðu pent… skil ekki af hverju. En Gústi og Diljá verða í stofunni frá fimmtudagskvöldinu. Þetta verður eitthvað spaugilegt um helgina. Annars er Rúna að fara að vinna á kvöldvakt næstu 4 kvöld þannig að við Kristján verðum bara 2 öll kvöld.
Veit ekki hvað ég á að röfla meira fyrir utan að heimta fleiri komment hérna… hnuss.
