Svona í tilefni dagsins…

Og þetta síðasta sem er algjör SNILLD.

Þetta blogg var í boði Jútjúb dott komm

Þangað til næst….

Þá eru þessi blessuðu laugardagslög loksins búin og þjóðin búin að kjósa. Rúv náði aldeilis að teygja lopann í þessu og heyrst hefur að undankeppnin fyrir næsta ár sé að fara að byrja fljótlega í mars. En hvað um það. Frómar og Frekjína Ósk sigruðu með miklum yfirburðum og sýnir það bara svart á hvítu að Íslandi langar bara ekkert uppúr þessari undankeppni. Þvílíkt sorp. Ég fylgdist með þessu svona með öðru auganu og var svona nokkurnveginn viss um að steratröllin myndu rúlla þessu upp ala Sylvía nótt og slá þessari keppni upp í það grín sem hún er, eeennnn neeeiiiii… Á úrslitakvöldinu kom berlega í ljós að þau eiga frekar heima í lyftingasalnum heldur en uppá sviði því að maður fékk svona nettan kjánahroll við að hlusta á þetta rammfalska væl. Ef þau hefðu mæmað þetta þá hefðu þau rúllað þessu upp eins og ekkert væri. Og auðvitað þurfti þetta hommarusl að vinna og þessi rjómi gerði all svakalega í brækurnar eftir keppnina með einhverju rugli… En mesta ruglið var náttúrulega að Dr Gunni og félagar í Dr Spock með gulu hanskana hefðu ekki unnið. Frábært lag og frábært performance sem hefði rúllað þessari keppni upp í Serbíu. Ég meira að segja eyddi 99.90 kr í að kjósa þá einu sinni. Hefði þurft að gera það c.a. 40.000 sinnum í viðbót til að koma þeim út en ég er bara ekki alveg borgunarmaður fyrir því.

Það verður svosem ágætt að sjá ísland drulla uppá bak enn einusinni í vor… Fastir liðir eins og venjulega, af hverju að fara að breyta því.

En nóg um Júravisjón, Við erum loksins flutt, sváfum fyrstu nóttina aðfaranótt sunnudagsins. Allt að komast í gírinn. Eigum bara eftir að taka uppúr nokkrum kössum, þar á meðal tölvuhræið mitt. Við erum komin með netið og allt að gerast. Nú á næstu vikum fara að hrúgast inn allskyns myndir og vitleysa inná síðuna hans Kristjáns og myndasíðunu mína. Eina sem ég á eftir að gera er að redda mér einhverju tölvuborði og þá er ég gúdd tú gó.

Svo var Jón Frímann í Englandi um liðna helgi. Fór á 2 leiki og sá Lifrapoll vinna öruggan 3-2 sigur á Middlesbróók þar sem að Middlesbrók gaf þeim 2 mörk. En heyrst hefur að hápunktur ferðarinnar hjá kappanum hafi verið þegar hann fór í skoðunarferð á Old Trafford og ég frétti frá öruggum heimildum að hann hafi keypt sér XXXXL treyju merkta Johnny Holliday Biggest United Fan nr 12, ég sel það ekki dýrara en ég keypti það.

Þangað til næst….

Ég er þokkalega sáttur með úrslit dagsins…

Fyrst byrjar Inter á að vinna Livorno í ítalska og taka 11 stiga forustu. Svo álpast Liverpool til að tapa á heimavelli fyrir Barnsley eða Barnet eða hvað þeir heita nú 1-2
En svo var það stórleikur dagsins. Ég fékk nú smá sting í magann þegar ég sá byrjunarliðið hjá Man Utd, Enginn Ronaldo og enginn Giggs, Scholes á bekknum. Fletcher í byrjunarliðinu. En þær áhyggjur voru víst óþarfar því að það var bara eitt lið á vellinum. UNITED, 3-0 í hálfleik og 4-0 þegar yfir lauk og Fletcher sjálfur með 2 mörk og líklega maður leiksins.
Ef einhver hefði sagt við mig í morgun þegar ég vaknaði að United myndi vinna Arsenal 4-0 og að Fletcher yrði maður leiksins hefði ég líklega sagt þeim bjána að hypja sig aftur uppá geðdeild því væntanlega væri einhver að leita að honum. ROSALEGT HELVÍTI.

Þangað til næst….

Eitthvað að gerast…

Freysi frændi er búinn að vera að flísaleggja hjá mér í gær og í dag og nú er þetta allt að verða komið. Getum byrjað að flytja af einhverri alvöru á mánudaginn. Jafnvel bara gist fyrstu nóttina þá JEEEEIIII

Við Rúna skruppum skottúr til Reykjavíkur á fimmtudaginn eftir vinnu. Ég var að koma henni á óvart með vafasömum árangri og bauð henni á Ladda sýninguna. Á leiðinni suður var alveg heví rigning og undir Hafnarfjalli datt rúðuþurrkunni bílstjóramegin í hug að hætta að virka. Við þurftum að aulast aftur inní Borgarnes og láta redda þessu. Þá höfðu snillingarnir sem skiptu um framrúðuna hjá mér í haust ekki hert nógu vel á þessu þannig að hún losnaði. Þurfti bara að herða hana aftur og málið dautt. Við komumst svo klakklaust í bæinn og sáum þessa líka rosalega skemmtilegu sýningu hjá honum Ladda. Mæli með þessu.

Gotta gó

Þangað til næst….

Litli bróðir minn, hann Gústav Alex Gústavsson athafnamaður með meiru er hvorki meira né minna en 20 ára í dag.

Ég man ennþá þegar mamma kom með þetta gerpi af fæðingardeildinni. Þá var ég 12 vetra og var mikið með hann, skipti á honum annað slagið og svoleiðis. Hann var nú alveg ógurlega sætur þegar hann var lítill.

Síðan tognaði smá úr honum…

og hérna er hann með pabba sínum á brókinni að sjálfsögðu

Hérna er hann svo í einkennisklæðnaðinum sínum… brókinni

og í dag er hann svona…

að leika við litla frænda sinn

Til hamingju með 20 ára afmælið litli minn, ekki eyða öllu í ríkinu.

þinn stóri bróðir sem er samt minni en þú.

Þangað til næst….

Já það er napurt úti, ég hef ekki séð svona mikinn snjó síðan veturinn 95 þegar ég var ungur að árum með hor í nös og bjó hjá pabba hérna í grundarfirði. Nú 13 árum seinna er ég…tjah ekki svo ungur að árum en ég bý hjá Tengdó… frekar sad. En húsið hlýtur að fara að verða klárt fljótlega. Yfir verkefnastjórinn í húsinu… Hann Maggi Jobba, fékk tak í bakið og er óvinnufær þessa stundina. Vonandi verður hann hress um helgina þannig að við getum tekið slurk í þessu og farið að sjá fyrir endann á þessu helvíti. Þetta er orðið þokkalega þreytandi.

En eins og sagði þá er alveg svakalegur snjór hérna, og skíðalyftan sem hefur sökum snjóleysis, ekki verið gangsett síðan 95, er biluð. Frábært. En nú þykir það ekkert tiltökumál að mæta eins og einum snjósleða á Grundargötunni eins og ekkert væri sjálfsagðara. Þetta er jú þeirra tími og um að gera að nota snjóinn til að renna á sleðanum niður á bensínstöð til að taka bensín heldur en að vera að dröslast með þetta sull í brúsum til að fylla á í bílskúrnum.

Læt fylgja eitt svalasta fótboltavídjó ever. Materazzi er einn sá svalasti í bransanum.

Þangað til næst….